Hejmpaĝo > Communiqués de presse > Referendumo pri la konstitucia traktato[2005-03-29]

Referendumo pri la konstitucia traktato[2005-03-29]

mardo 29a marto 2005

Marde, la 29an de marto 2005, Bulonjo-sur-Maro

Gazetara komuniko

Okaze de la centjariĝo de la unua Universala Kongreso de Esperanto en Bulonjo-sur-Maro en 1905,
la asocio Eŭropo-Demokratio-Esperanto, kunveninta je nacia nivelo :

memorigas pri la neceso respekti ĉiujn lingvojn kaj ĉiujn kulturojn ;

memorigas, ke Eŭropo bezonas komunan neŭtralan lingvon (ĉar, pro simpla motivo de justeco kaj egaleco,
neniu nacia lingvo povas esti akceptata kiel tia) por konstrui Eŭropon vere demokratian ;

memorigas pri la daŭra subteno de Unesko por la internacia lingvo Esperanto ;

konfirmas sian volon kunigi ĉiujn civitanojn, kiuj deziras konstrui Eŭropon vere solidaran ;

Ĉar la Konstitucia Traktato, kvankam certigante la principon de egaleco de ĉiuj lingvoj kaj ĉiuj kulturoj,
tamen fakte ne antaŭvidas elimini lingvan diskriminacion pli kaj pli praktikatan en la eŭropaj institucioj,

Eŭropo-Demokratio-Esperanto instigas ĉiujn civitanojn ne neglekti ĉi tiun gravan problemon
de la lingvoj en Eŭropo okaze de la baldaŭa referendumo je la 29a de majo 2005.

Eŭropo-Demokratio-Esperanto, www.e-d-e.org